3 дозы адчаю

брудны пэндзаль адчаю
хісткі контур абводзіць
спакусліва брыдка

***

адчай і сон -
кактэйль маёй вайны
размыты рысы самавызначэння

***

адчаю альфы
кожную хвіліну
код выпраўляюць: нехта на ніхто

Іншыя ракурсы.

— Чаму не тусуешся, яны ж з Беларусі?

— Я б сустракаўся з тымі, хто апынуўся ў Амерыцы праз працу, праз творчасць, праз мазгі; з мажорнымі сынкамі і дачкамі, якіх іхныя бугры—бацькі выперлі, абабраўшы і здаўшы маё пакаленне і ўвогуле ўсю Беларусь, каб абпантавацца да чорта, не паверыш, агідна. А «палітыкі» ведаюць толькі адну форму камунікацыі — браць у абарот.

У Нью-Ёрку разумееш, дзе засталася твая лепшая частка. У гэтым доме, нібы у маім целе, даўно жывуць адно чужыя людзі. Благаслаўлёны дзядулін дом і ўспамін пра лепшую частку лепшай часткі жыцця, адзіная апора.

Спілаванне ліпы каля брамы стартавала адваротны адлік, толькі і мроіцца — яе цень і шолах лісця.